Celebramos as Letras, coñecemos pasado e forxamos futuro da man da autora homenaxeada este ano 2026 co Día das Letras Galegas. Guiadas polos cartaces fixemos unha viaxe polo percorrido vital de Begoña Caamaño e pola súa obra, que coñecemos un pouco mellor mergullándonos en diferentes publicacións que atopamos pola rede.
Este ano, despois de lermos a obra de Agustín Fernández Paz nas aulas, tivemos o privilexio de sermos convidados a facer o roteiro literario que desenvolve o profesorado e alumnado do IES Basanta Silva. Descubrimos onde se agocha a Gran Besta e os lugares misteriosos e fascinantes que Laura, a protagonista, percorreu pola Chaira. Grazas polo convite, un pracer!
.jpg)
Visita a Santiago de Compostela e a Padrón
Este ano o alumnado de 4º ESO e 1º BAC fixo unha visita cultural a Santiago de Compostela e a Padrón da man dos Departamentos de Xeografía e Historia, Galego e o EDLG. Na capital galega visitaron a catedral (tellados incluídos) e o Parlamento de Galicia. En Padrón coñeceron un pouquiño máis a vida e obra da nosa estrela literaria Rosalía de Castro na visita guiada e na actividade de escape room que desenvolveron.
Achegámonos á nosa realidade a través da toponimia máis próxima. Fixémolo da man de Vicente Feijoo, coordinador da revisión do nomenclátor, quen, dun xeito ameno e didáctico, nos falou dos nomes dos nosas aldeas, parroquias..., da súa relación coa contorna e doutros aspectos relacionados cos nomes de lugar. Agora tócanos a nós axudar a seguir recuperando a nosa identidade.
No día de onte visitounos o profesor e escritor Xosé Lorenzo Tomé. O autor guitiricense, que exerceu a súa profesión, entre outros lugares, neste IES, volveu á que tamén é a súa casa, para manter un encontro coa rapazada de 2º de ESO e falar de obras como A cidade branca ou Bergan, das súas orixes, lendas ou toponimia, fomentando así un maior interese do alumnado polas súas raíces e pola contorna máis próxima.
A charla, dinámica, agradable e distendida, percorreu os lugares máis próximos nos que se desenvolven as novelas e que esconden misterios, tesouros e outros segredos.
Moitas grazas, profesor!
Hoxe a rapazada do IES puido visualizar unha realidade moi presente na nosa sociedade, a da violencia machista, a través da charla:
“Verdades e bulos na loita contra as violencias machistas”.
O relatorio estivo a cargo das maxistradas:
• Dalila Dopazo Blanco, Maxistrada do Xulgado do Social Nº3 de Lugo
• Luís Villares Naveira, Maxistrado da Sala do Contencioso-Administrativo do TSXG
• Sandra Piñeiro Vilas, Maxistrada do Xulgado de Instrución Nº2 de Lugo
Correlingua 2026 Un ano máis as e os “poetas” participamos nunha nova edición do Correlingua. Coma sempre visitamos e percorremos a milena...
